#VOAKirundi: Amerika Igiye Kwongereza Uburyo bw’Ukwivuna Misile

Advertisements:


Ubushikiranganji bujejwe imigenderanire bwa Reta Zunze Ubumwe za Amerika bwatangaje kw’ingingo ya Koreya ya ruguru y’ukurasa misile igeramiye bikomeye umutekano. Ubwo bushikiranganji bwamenyesheje ko buriko bufata ingingo zigenewe kwongereza uburyo bw’ukwivuna misile za Koreya ya ruguru.

Koreya ya ruguru yarashe misile zine ku musi wa mbere. Zitatu murizo zashitse ku bilometero igihugu, zigwa mu mazi y’ibahari yegereye Ubuyapani.

Umuvugizi w’Ubushikiranganji bujejwe kwivuna abansi bwa Reta Zunze Ubumwe za Amerika, Jeff Davis, yabwiye abamenyeshamakuru kw’izo misile zidashika kure cane zidashobora kugeramira akarere ka Amerika yo mu buraruko.

Amenyesha kw’ingingo ya Koreya ya ruguru y’ukurasa izo misile yahuriranye n’intango y’imyimenyerezo y’ukwivuna umwansi yaba iba uko umwaka utashe hagati ya Reta Zunze Ubumwe za Amerika na Koreya y’epfo.

Iyo myimenyerezo yama ituma Koreya ya ruguru yishura mu kurasa za misile.

Ishirahamwe mpuzamakungu, O-N-U, Reta Zunze Ubumwe za Amerika n’Ubuyapani vyasavye inama yihutirwa y’urwego rw’ishirahamwe mpuzamakungu O-N-U, rujejwe amahoro n’umutekano kw’isi kuganira inyifato ya Koreya ya ruguru.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils