#VOAKirundi: AMISOM Yahimbaje Imyaka Icumi muri Somaliya



Kw’italiki zitandatu z’ukwezi kwa gatatu 2007, inteko zijejwe gucungera umutekano z’umuryango w’ibihugu vya Afrika, mu mpfunyapfunyo AMISOM, zarungitswe ku murwa mukuru wa Somaliya, Mogadisho. Ubutumwa bwazo bwari gufasha gukingira reta y’ico gihugu n’uguhangana n’abarwanyi b’umurwi w’intagondwa z’Abayislamu, al-Shabab.

Imyaka cumi inyuma yaho, inteko z’umuryango w’ibihugu vya Afrika, ziracakingiye reta. Ziracagenzura amabarabara makuru makuru ahuza umurwa mukuru, Mogadisho, n’intara zigize Somaliya.

Umushikiranganji ajejwe kwivuna abansi wa Somaliya, Abdulkadir Sheikh Ali, Dini, avuga kw’atari ibintu bishimishije kubona ibibazo vya Somaliya vyatumye inteko zo mu mahanga zizanwa mu gihugu. Avugako badashimishwa nuko izo nteko zimaze imyaka cumi muri Somaliya.

Jeneralai Dini, amenyesha kw’ari ibintu bibabaje kurushiriza kubona kw’inyuma y’imyaka cumi izo nteko ziri muri Somaliya, ico gihugu kitarashiraho inteko zishobora kwubahiriza umutekano mu gihugu.

Atangaza ko mu kiringo c’imyaka itanu inyuma yuko inteko za AMISOM zishitse mu gihugu, bari kuba bashizeho igisirikare citeguriye kwubahiriza umutekano mu gihugu. Ngo yamara ivyo ntivyabaye.

Muri iki gihe abitegereza ibintu bavuga ko gukomeza igisirikare ca Somaliya vyotegerezwa kuba ikintu ca mbere reta yoshimikirako ubwa mbere.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- -----

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils