#VOAKirundi: Abaganga Bahagaritse Akazi Bazosubirizwa n’Abanyamahanga



Abetegetsi b’igihugu ca Kenya batangaje uno musi ku wa gatatu ko bazorondera abaganga bo mu mahanga kugira bafashe gutuma ibitaro vya Reta bibandanya imirimo yavyo. Ivyo babitangaje inyuma yuko ibiganiro bigenewe guhagarika ukugarariza akazi kw’abaganga muri Kenya bimaze imisi mirongo icenda vyageramiye igisata c’ubuvuzi ataco bishitseko.

Reta ya Kenya yagabishije incuro zitari nke kwirukana abaganga bagararije akazi. Yamara ivyo vyararaniwe kugondoza abo baganga. Reta ya Kenya yaciye ifata ingingo y’ukurondera abaganga bazosubirira abaganga bo muri Kenya bagararije akazi mu karere ka Afrika no hanze y’ako karere.

Perezida w’igihugu ca Kenya, Uhuru Kenyatta, ashavuye, yarifatiye mu gahanga abaganga amajana atanu bagararije akazi kubera basaba kw’imishahara yabo yongerezwa nuko ubuyro bakoreramwo bwotunganywa neza kurushiriza.

Perezida Kenyatta avuga ko bahaye abo baganga imishahara irengeye iy’abaganga bikorera ku giti cabo.

Sentare mu gihugu ca Kenya yatangaje kw’ukugarariza akazi kw’abanganga ba Reta biciye kubiri n’amategeko. Yagenye abaserukira amadini gufasha mu biganiro na Reta inyuma yuko abandi bagerageje gufasha bananiwe.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- -----

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils