#VOAKirundi: Perezida Buhari wa Nigeriya Yatahutse Mu Gihugu

Advertisements:


Perezida w’igihugu ca Nigeriya, Muhammadu Buhari yatahutse mu gihugu ciwe avuye mu Bwongereza aho yari amaze indwi zitatu yagiye kwivuza.

Yamara icegera ca perezida azobandanya kuyobora igihugu muri iki gihe.

Buhari yatahukanywe n’indege mu gisagara ca Kaduna, mu gitondo c’uno musi ku wa gatanu, mu nyuma yaho ajanwa n’indege ya kajugujugu ku murwa mukuru Abuja, aho yakiwe n’icegera ca perezida, Yemi Osinbajo, n’abategetsi bakomeye b’igisirikare.

Mu vyo yatangaje, ntaco perezida Buhari, yavuze ku ndwara yiwe, naho yavuze ko yatewe amaraso mu kiringo c’indwi zitatu yamaze mu gisagara ca Londres, mu Bwongereza.

Perezida Buhari, yamenyesheje ko azobandanya kuruhuka.

Mw’itangazo ryashikirijwe n’ibiro vyiwe, Buhari yatangaje ko yumva ameze neza kurushiriza. Yamara ashobora gukenera gusubira kwipimisha mu ndwi nkeyi ziri imbere.

Perezida Buhari, muri iki gihe afise imyaka 74, yavuye muri Nigeriya, kw’italiki 19 z’ukwezi kwa mbere, inyuma yuko ashikirije icese ubutegetsi icegera ciwe, Yemi Osinbajo.

Perezida Buhari, ntiyaserutse ahabona mu kiringo c’amayinga indwi yamaze i Londres, kiretse amasanamu yamwerekanye ariko abonana n’abashitsi, aho yaboneka ko yananutse cane.

Ibiro vy’umukuru w’igihugu vyaranse kuvuga indwara yiwe.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils