#VOAKirundi: Uburundi Bugiye Kwandikisha Amato Akorera Mu mazi Yabwo

Advertisements:


Leta y’Uburundi igiye guha inomero amato yose akorera mu mazi agenzugwa n’u Burundi ku mvo y’umutekano w’abakorera imirimo mu mazi.

Ibi bisigurwa na Gerard Nyandwi umuyobozi mukuru w’igisata kijejwe gutunganya ibikorwa vyose bibera mu mazi y’u Burundi no guteza imbere ibivuko.

Nyandwi avuga ko iyo ubwato buzwi, bishobora gufasha abarovyi kuronka ingurane mu mabanki, kwakirwa mu mashirahamwe y’ubwishingizi no mu mashirahamwe ategekaniriza kazoza abakozi. Amenyesha ko gutunganya neza igisata c’uburovyi bituma umwimbu w’amafi ugwira.

Kimwe mu biriko bituma umwimbu uba muke mu biyaga vyo mu buraruko, ni imitego itemewe n’amategeko ikoreshwa mu kuroba.

Muri iyo mitego, harimwo n’imisegetera yagenewe kwikingira malariya.

Vincent Minani arongoye urunani rw’amashirahamwe y’abarovyi mu Burundi, avuga ko iyo umwimbu w’amafi ugabanutse bivyara amatati mu mazi.

Umwimbu muke w’amafi urangwa mu biyaga ku ruhande rw’u Burundi niwo watumye Abarundi baraswa mu Kiyaga Cohoha n’abasirikare b’u Rwanda. Bisigurwa n’umwe mu barovyi bari bitavye inama yo kubahimiriza kwandikisha amato yabo.

Ikindi kiriko kiratera umutekano muke mu Kiyaga Cohoha nk’uko vyashikirijwe n’abari muri iyo nama, ni ubusuma bw’inka Abarundi bajabuka kwiba mu Rwanda.

Ijwi ry’Amerika ryashatse kumenya ico igisata kigenzura ibikorwa vyo mu mazi kiriko kirakora ku bijanye n’Abarundi barasiwe mu kiyaga Cohoha n’ubu batarabone mu miryango yabo. Umuyobozi mukuru w’ico gisata Gerard Nyandwi, avuga ko bari mu matohoza.

Umuyobozi mukuru w’igisata kijejwe kugenzura ibikorwa vyo mu mazi y’u Burundi, gutezimbere ibivuko no gukurikirani imigambi y’amabarabara y’indarayi asaba bene amato kuyasansumisha kuko bizobagirira akamaro ntangere.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils