#VOAKirundi: Reta Ntaco Iratangaza ku Bihe vy’Umutekano

Advertisements:


Muri Etiyopiya, inyuma y’amezi atanu Reta itangaje ko igihugu cinjiye mu bihe bidasanzwe mu ntumbero yo gutorera umuti intureka zurutavanako zari zimaze iminsi, nta kiratangazwa gushik’ubu ko ivyo bihe bitekanya guhindurwa. Ni mu gihe Reta yataye mu mvuto abantu baharugwa mu bihumbi, abandi barungikwa mu makambi ameze nk’ayigisirikare, aho barangurira imyimenyerezo ikomeye.

Abahoze bapfungiwe mur’ayo makambi bamenyesha ko bahawe inyigisho nyinshi zijanye n’ibwirizwa shingiro. Bavuga kandi ko badafise uburenganzira bwo kubonana n’imiryango canke abababuranira. Abashika ku bihumbi mirongo ibiri baramaze kurekugwa, yamara abarongozi mu batavuga rumwe n’ubutegetsi baracari mur’ubwo busho. Abenshi mubamaze gucibwa imanza bagirwa icaha c’iterabwoba.

Mu ntango z’iyi ndwi, abanywanyi batari bake mu migambwe itavuga rumwe n’ubutegetsi baragirijwe na Reta ko bashatse guhirika ubutegetsi, babiri muribo bakaba basanzwe baba hanze y’Igihugu. Ishirahamwe riharanira agateka ka zina muntu, Human Rights Watch, ryariyamirije ibihe bidasanzwe vyashizweho na Reta. Iryo shirahamwe rikavuga ko ar’akaryo Reta ikoresha ko kubuza abantu gushikiriza ivyiyumviro vyabo no guhohotera abatavuga rumwe n’ubutegetsi.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils