#VOAKirundi: Imvura Yasenyuye Amazu Arenga 100 mu Burundi

Advertisements:


Imvura nyinshi irimwo urubura n’umuyaga yarononye ibitari bike mu mitumba itandukanye mu ntara ya Bubanza.

Imitumba itatu igize zone Mitakataka yo muri komine Bubanza niyo ifise ibintu vyononekaye cane bivuye ku mvura irimwo urubura n’umuyaga mwinshi yaguye mw’ijoro rishira umunsi wa kabiri mu ntara ya Bubanza.

Muri rusangi, amazu 124 y’uburaro bw’abantu yarasenyuwe, amahegitari 116 y’imirima arononekara. Amasengero indwi y’amadini atandukanye hamwe n’ibirasi bitandatu vy’ishure shingiro rya Gatura n’ibindi bitatu vy’ishure shingiro ryo kw’Iranda vyarahitanywe n’iyo nvura.

Abajejwe intwaro I Bubanza babwiye Ijwi ry’Amerika ko uretse inyubako zabomaguritse, hari abantu babili babomokeweko n’amazu bagahakwa kuhasiga ubuzima. Umwe muri abo bantu vyabaye ngombwa ko aja kuvurizwa mu bitaro vy’I Bujumbura.

Abanyagihugu baburiye ibintu muri iyo nvura, bavuga ko batabona uko bashobora gusanura amazu yabo kuko ata buryo bafise. Abo banyagihugu basaba kugarukirwako mu kuronswa uduhema kugira baronke aho bakika umusaya.

Komine ya Bubanza yaraye iguyemwo iyo mvura irimwo urubura n’umuyaga yari maze imisi ivugwamwo inzara nyinshi imaze guhitana abantu bagera kuri 12.

Abajejwe intwaro naho ataco bavuze bagiye gufasha abahuye n’ivyo vyago, basaba ababishoboye kugarukira ku miryango ivuga ko itabona aho iza gukika umusaya .

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils