#VOAKirundi: Inkozi z’Ikibi Zafashe Ubwato Hafi ya Somaliya

Advertisements:


Inkozi z’ikibi zikorera mu mazi zafashe ubwato butwara ibitoro n’abantu indwi bari muribwo hafi ya Somaliya, bariko basaba gushumbushwa kubera ukuroba mu buryo budaciye mu mategeko biriko bitera vyiyongera mu mazi yegereye Somaliya.

Ijwi rya Amerika, Servisi y’Igisomali yavuganye kw’itelefone n’umwe mu banyuruje ubwo bwato ku musi wa kabiri. Ivyo vyabaye umusi umwe inyuma yuko abantu binjiye muri ubwo bwato barabufata hafi y’ibilometero 30 umuntu avuye ku nkengera za Somaliya.

Yatangaje kw’abantu indwi bagize uruhara muri ico gikorwa. Amenyesha ko we na bagenzi be ari abarovyi, kw’atari inkozi z’ikibi zikorera mu mazi.

Amenyesha ko bafashe ingingo nk’abarovyi y’ukurwanya ukuroba mu buryo budaciye mu mategeko. Amenyesha ko bafashe ibirwanisho kugira bivune, kandi ko bazobandanya urwo rugamba.

Abajijwe ku bantu bari mu bwato bafashe, yavuze ko kubica bitari mu migambi yabo. Avuga ko abo bantu ari bazima, kw’ataco babaronderako. Amenyesha ko barondera ababarungitse kugira ntizobagaruke.

Ubwo bwato bwanyurujwe bwitwa, Aris 13, n’ubw’isosiyete ya Emirats Arabes Unis, bwarimwo abantu umunani babukorako bose bava muri Sri Lanka.

Ubwo bwato bwari buvuye ku kivuko co mu gihugu ca Djibouti bugana umurwa mukuru wa Somaliya, Mogadisho, butwaye ibitoro na gaz.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils