#VOAKirundi: Jenerali Khalifa Haftar Yafashe Ibivuko 2 Bikomeye

Advertisements:


Inteko ziyobowe na Jenerali Khalifa Haftar, yiyonkoye kuri Reta y’igihugu ca Libiya, zitangaza ko zasubiye kwigarurira ibibanza bibiri bikomeye vy’ibitoro mu buseruko bw’igihugu. Ivyo bibanza vyari vyafashwe n’abarwanyi b’Abayislamu mu ntango z’uku kwezi.

Libiya yiciyemwo imirwi ya politike n’imirwi y’abarwanyi itandukanye inyuma yuko Reta ya Moammar Gadhafi, yatwaye Libiya mu kiringo kirekire, akuwe ku butegetsi akicwa.

Amareta abiri ahiganwa n’imirwi itari mike y’abarwanyi muri iki gihe biriko birwanira kwigarurira igihugu ca Libiya gitunze ibitoro.

Umuvugizi wa Jenerali, Khalifa Haftar, yatangaje ku musi wa kabiri, kw’ibivuko vya Ras Lanuf na al-Sidra, vyari mu minwe y’abarwanyi b’Abayislamu vyafashwe, inyuma y’ibitero vyakoresheje indege z’ingwano, abasirikare barwanira ku butaka n’inteko zirwanira mu mazi vyamaze umusi wose.

Haftar n’inteko arongoye bashigikiye Reta ikorera mu gisagara ca Tobruk, kiri mu buseruko bw’igihugu, yanse gushikiriza ubutegetsi Reta y’ubumwe ishigikiwe n’ishirahamwe mpuzamakungu O-N-U ikorera ku murwa mukuru, Tripoli.

Ivyo vyatumye Libiya itagira Reta y’ukuri mu kiringo c’imyaka igera kuri itandatu

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils