#VOAKirundi: Sudani y’Epfo Irasabwa Kurekura Imfungwa za Politike

Advertisements:


Leonzio Angole Onek ayoboye igisata c’ubumenyi mu bijanye n’amahinguriro kuri kaminuza yo mu gisagara ca Juba, yahoze apfungiwe ivya politike muri Sudani yo mu bumanuko, avuga kw’abanyororo bapfungiwe ivya politike barenga mirongo itatu babandanya kugumizwa mu munyororo.

Ivyo naho perezida wa Sudani yo mu bumanuko, Salva Kiir yiyemeje ku vyerekeye kubarekura.

Onek, asaba perezida Kiir gushira mu ngiro ivyo yemeye vy’ukurekura abantu 32 bapfunzwe ku mvo za politike amazina yabo yatangajwe mu kwezi kw’icumi na kabiri mu mwaka uheze n’ishirahamwe mpuzamakungu riharanira agateka ka muntu, Amnesty International.

Onek avuga ko kwubahiriza uwo muhango vyoba vyubahirije amasezerano y’amahoro yateweko igikumu mu kwezi kw’umunani mu mwaka w’i 2015 agenewe guhagarika ingwanao muri Sudani yo mu bumanuko.

Amenyesha ko hamwe perezida Kiir ashaka kwerekana umutima w’imbabazi, yotegerezwa kurekura abantu bose bapfunzwe, hamwe n’abanyororo bari mu minwe y’ibiro vy’igihugu bijejwe iperereza.

Abarwanya ubutegetsi bariko barondera gukura ku butegetsi perezida Kiir, kuva mu kwezi kw’icumi na kabiri mu mwaka w’i 2013. Bavuga kw’ubutegetsi bwose buri mu minwe y’abo mu bwoko bwiwe b’aba Dinka.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils