#VOAKirundi: Prezida Trump Yakiriye Icegera c’Umwami wa Arabiya Sawudite

Advertisements:


Prezida Donald Trump wa Reta Zunze Ubumwe za Amerika yabonanye kur’uyu wa kabiri n’icegera c’umwami wa Arabiya Sawudite, Mohammed Bin Salman, mu nyubakwa yiwe, hano I Washington DC. Ikinyamakuru ca Arabiya Sawudite catangaje ko uwo mubonano war’ugamije gukomeza imigenderanire y’ivyo bihugu ukwari bibiri, no kwiga ku bibazo bijanye n’inyungu bisangiye.

Uwo mubonano ubaye uwa mbere hagati y’umuryango w’abami ba Arabiya Sawudite na Prezida Trump kuva atanguye amabanga yiwe nk’Umukuru w’Igihugu. Mwomenya ko Arabiya Sawudite ifatikanije na Amerika, yagwanije abagwanyi b’aba chite bagwanira muri Irani, mu kiringo c’imyaka hafi ibiri iheze.

Imigenderanire ya Arabiya Sawudite na Amerika yari yaratosekaye ku ntwaro ya Barack Obama, inyuma y’amasezerano yakozwe ku bijanye n’ibigwanisho vya nucleaire bihungurwa na Irani, isanzwe idacana uwaka na Arabiya Sawudite. Abatetsi ba Arabiya Sawudite bakavuga ko bizeye ko iyo migenderanire igiye gusubira kunaguka, kandi ko bizeye ko Reta ya Trump izogabanya ukwiganza kwa Irani mu karere k’ibihugu vy’abarabu.

Igihugu ca Arabiya Sawudite gisanzwe arico ca mbere gishorera ibigwanisho Amerika, kikaba kandi ari naco ca mbere mu gushobora igitoro mu makungu.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils