#VOAKirundi: Sudani y’Ubumanuko Iregwa Guhohotera Agateka ka Zina Muntu

Advertisements:


Muri Sudani y’Ubumanuko havugwa agateka ka zina muntu kahohotewe birenze urugero mu kiringo c’amezi icenda aheze. Ivyo ngo vyatewe ahanini nuko amakungu yananiwe no gushiraho sentare ijejwe ivyo bibazo, hamwe no guhana abagirwa n’ivyo vyaha.

Umukuru w’umugwi ujejwe agateka ka zina muntu muri Sudani y’Ubumanuko, Yasmin Sooka, yatangaje ko ivyaha vyakozwe, na cane cane ivyo gufata ku nguvu abakenyezi, ari vyinshi cane. Sooka akavuga ko ingaruka z’avyo zitagira uko zingana. Ivyo yabitangaje kur’uyu wa kabiri, mu nama y’abajejwe agateka ka zina muntu, I geneve m’Ubuswise, aho yatangaje ko abanyagihugu bo mu bwoko bumwe bahohoterewe ubuzima n’abasirikare ba Reta.

Paulino Wanawilla Unango, umushikiranganji w’ubutungane aramirira kure ivyo birego, akavuga ko ivyashikirijwe na Yasmin Sooka bitari mu gihugu ciwe. Wanawilla Unango yatangaje kandi ko ico cegeranyo kitisunze uko Reta ya Sudani y’Ubumanuko ibona ibintu.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils