#VOAKirundi: Imvura Yahitanye Abantu 6 Mu Burundi

Advertisements:


Mu Burundi, abana batanu bo mu muryango umwe baraye bapfuye, abandi babiri barakomereka ku mutumba Gafumbegeti, zone Butahana muri komine Mabayi y’intara ya Cibitoke baguweko n’inzu, yasidutse bitumwe n’imvura nyinshi.

Ahandi havugwa imvura nyinshi ni mu gisagara ca Bujumbura aho umusirikare umwe yaraye ahitanywe n’umwuzurira w’uruzi rwa Kinyankonge.

Iyo mvura kandi yatumye n’ibarabara rya Bujumbura-Cibitoke ridahita mu gace ka Nyamitanga muri komine Buganda.

Imvura yaguye kuva igihe c’isaha imwe y’ijoro kur’uyu wa kane n’iyo yahitanye ivyo bibondo nk’uko amakuru Ijwi ry’Amerika rikesha musitanteri wa Komine Mabayi abivuga.

Musitanteri Pascal Basaburwuzuye avuga ko iyo mvura yari nyinshi ituma umusozi usiduka, uhitana inzu abo bana bari baryamyemwo. Yavuze ko iruhande y’urwo rupfu rw’abana batanu, imirima n’amazu bitari bike navyo nyene vyononywe n’iyo mvura.

Iyo mvura kandi yatumye ibarabara rya Bujumbura-Cibitoke ridahita kuva ku mugoroba wo kuwa kane.

Mu gace ka Nyamitanga muri Komine Buganda, ivyondo vyaruzuye mw’ibarabara, bituma abari bavuye mu gisagara ca Bujumbura, canke ku murwa mukuru w’intara ya Cibitoke basubira iyo bari baje bava.

No mu gitondo c’uno wa gatanu ibarabara rya Bujumbura-Cibitoke uruja n’uruza ntirwari rworoshe ku biyunguruza ku mapikipiki no mu ma modokari.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils