#VOA: Ikiziga ca Cheick Tiote Catahukanywe

Advertisements:


Ikiziga c’umukinyi w’umupira w’amaguru aturuka mu gihugu ca Cote d’Ivoire, Cheick Tiote catahukanywe mu gihugu ciwe. Cheick Tiote yitavye Imana ahitanywe n’indwara y’umutima kw’italiki zitanu z’ukwezi kwa gatandatu, ariko arimenyereza hmwe n’abandi bakinana mu murwi w’umupira w’amaguru, Beijing Enterprises wo ku rwego rwa divisiyo ya kabiri mu gihugu c’Ubushinwa.

Ku kibuga c’indege co mu gisagara ca Abidjan, abantu bashika ku gihumbi bari barindiye ikiziga ciwe.

Cheick Tiote yari mu murwi nserukiragihugu wa Cote d’Ivoire wahiganywe mu gikombe c’isi yose co mu mwaka w’i 2010 n’umwaka w’i 2014. Yari kandi mu murwi nserukiragihugu watsinze igikombe c’ibihugu vyo muri Afrika mu mwaka w’i 2015.

Cheick Tiote, umukinyi wo hagati mu kibuga, yakiniye umurwi w’umupira w’amaguru Newcastle wo mu Bwongereza mu kiringo c’imyaka indwi, imbere yuko aja gukina amu gihugu c’Ubushinwa mu kwezi kwa kabiri kw’uyu mwaka.

Azoshingurwa ku musi w’Imana mu kaburi ka Williamsville, akaburi kanini cane kurusha ubundi buburi mu gisagara ca Abidjan.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- ----- -----

Advertisements

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire