#VOA: Umusilikare wa Koreya ya Ruguru Yarashwe Ahunga



Igisirikare c’igihugu ca Koreya y’epfo catangaje uno musi ku wa mbere kw’umusirikare wo muri Koreya ya ruguru yakoremetse inyuma yuko arashwe n’abandi basirikare b’ico gihugu igihe yariko agerageza guhungira muri Koreya y’epfo.

Ivyo vyabereye mu mihana y’ahitwa Panmunjom hafi y’ikibanza kiziririjwemwo ibikorwa vya gisirikare gitandukanya Koreya zombi.

Abategetsi ba Koreya y’epfo bemenyesha ko bakiye uwo musirikare wo muri Koreya ya ruguru inyuma yuko yinjiye ku butaka bwa Koreya y’epfo. Yajanywe mu bitaro mu nyuma yaho. Impamvu zatumye arondera guhunga igihugu ciwe nzitanenyekanye buno nyene.

Abanyakoreya ya ruguru ibihumbi n’ibihumbi bararondeye ubuhungiro muri Koreya y’epfo. Yamara kenshi abanyakoreya ya ruguru bashika muri Koreya y’epfo baciye mu gihugu c’Ubushinwa.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

----- -----

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Laisser un commentaire

Aller à la barre d’outils