Amashengero 80 Akora Adakurikije Amategeko Yarugawe Kuri Uyu wa 4 n’Umushikiranganji w’Intwaro yo Hagati mu Gihugu.

Pascal BARANDAGIYE yamenyesheje yuko amashengero ngaha mu gihugu c’uburundi agiye kurongogwa n’abarundi gusa. Ngo ikindi naco nuko abarongozi bamashengero bategerezwa kuba mu Burundi. Ngo nta muntu atwarira ishengero inyuma y’igihugu.

Amashengero 80 akora adakurikije amategeko yarugawe kuri uyu wa 4 n’umushikiranganji  w’intwaro yo hagati mu gihugu.

Mu nama n’abarongoye amashengero umushikiranganji Pascal  BARANDAGIYE yahaye amezi 4 amashengero adafise inyubakwa zibereye gusengeramwo.

Pascal  BARANDAGIYE  yamenyesheje yuko amashengero ngaha mu gihugu c’uburundi agiye kurongogwa n’abarundi gusa. Ngo ikindi naco nuko abarongozi bamashengero bategerezwa kuba mu Burundi. Ngo nta muntu atwarira ishengero inyuma y’igihugu.

Pascal  BARANDAGIYE  yamenyesheje kandi yuko mu gisagara ca Bujumbura  hari amashengero ashika 80 akora inyuma y’amategeko hariho ayakora akoresheje bimwe bita sous couvert  ngo ni ukuvuga yuko aba yahawe uburenganzira n’irindi nshengero ryemerewe. Ngo ivyo rero bavyiyamirije cane ngo aho bazosanga bariko barakora kuri sous couvet bazoca babugarira. Kuri abo ngo nta kiringo babahaye.

Ikiringo c’amezi 4 cahawe abasanzwe bakorera mu tuzu dusakajwe ibihunda. Kuri abo babahaye ico kiringo kugira ngo ayo mezi 4 azohere barangije gutunganya aho bakorera.

Nico kimwe n’abakorera mu mazu bapanze canke mu mazu y’abantu.

Pascal  BARANDAGIYE yarangije amenyesha yuko hariho n’abakorerera mu kibabo ugasanga mu gitondo barahasengera, hama ku mugoroba bakahandandariza inzoga. Abo bose bahawe ikiringo c’amezi 4 kugira bisunganye barondera ahantu heza bakorera.

Sandrine Josée BAHATI

Sandine Josée BAHATI ni umumenyeshamakuru wa Journal Magara Times na Radio Magara Times FM. Aho, BAHATI Amenyesha amakuru ajanye n'Amagara (Santé) hamwe n'amakuru ajanye n'Indero (Education) n'ayajanye n'Imibano (Relations). Mwandikire kuri: bjsandrine@magaratimes.com

0 Nizo ncuro bavuze kuri ino nkuru!

Ivyiyumviro!

Nta muntu aratanga iciyumviro kur'ino nkuru, ni mube aba mbere mutanze iciyumviro canyu kuko buri ciyumviro cubaka kirakenewe iwacu.

Tanga Iciyumviro.

Menya Neza Bino Bikwirikira:

1. Buri muntu ararekuriwe gutanga ico yiyumvira kurino nkuru cokimwe no kwishura ku vyiyumviro abandi batanze hano. Ariko mubisabwe kubikora mu bwitonzi kandi mwubahiriza abandi nkuko namwe mwipfuza ko bobubahiriza. Birabujujwe gukoresha runo rubuga ku mvo zindi zitandukanye no gusangira ikiyago. Abazorenga kuri zino mpanuro bazofatigwa ingingo zibereye.

2. Niwiyunge na runo rubuga rw'amakuru kugira uronke inyungu nyinshi harimwo kuba umunywani wa Journal Magara Times hamwe no guhiganigwa agashimwe ka 15.000 BIF buri kwezi gahabwa umuntu yatanze ivyiyumviro vyinshi kandi yigenjeje neza mu biyago vyiwe n'abandi banywanyi ba Journal Magara Times. Kubashaka kuba abanywanyi, bahamagariwe gufyonda hano kugira baheze baje kur'urupapuro rwo kwiyandikisha.

Gira ico ubivuzeko:

This site uses Akismet to reduce spam. Learn how your comment data is processed.